Bannakyaggwe bakiise embuga n'Oluwalo lwa bukadde obusoba mu 28 Minisita w'Amawulire, Okukunga era Omwogezi w'Obwakabaka Oweek. Israel Kazibwe Kitooke ku lwa Katikkiro Charles Peter Mayiga yaatikudde bannakyaggwe Oluwalo.

 "Tosobola kubeera mu Maka ga Musajja muganda nga tolinaawo Nkoko, nga tolinaawo Mbuzi, twabanga n'Enkoko enganda, Twetaaga tuddeyo tufunvubire tusimbule n'amaanyi okulaba nga Buganda tudda maaso" - Oweek. Kazibwe. 

Ku lw'Obwakabaka era asabye Abakulembeze ku mitendera egy'enjawulo okulambika abantu ba Kabaka ku Mawulire amatuufu agafa embuga baleme kuwuddiisibwa abo abeenonyeza ebyabwe. 

Oweek. Joseph Kawuki Minisita wa Gavumenti z'ebitundu ku mukolo guno ye asibiridde bannakyaggwe entanda yakunyweza mpagi Buganda kwe yazimbibwa olwo Buganda lwejja okugenda okudda ku Ntikko.

Omumyuka wa Ssekiboobo Oweek. Rashid Kanaakulya ku lwa Ssekiboobo ne bannakyaggwe aloopedde Katikkiro bannakigwanyizi abongedde okwesenza ku ttaka ly'Obwakabaka awatali kuyita mu mitendera mituufu nga ekimu ku bisoomoozo ebibabobbya omutwe e Kyaggwe.

 Omukolo guno gwetabiddwako Abatongole, Ab'emiruka, Abakulembeze okuva mu gavumenti eyawakati, bannbyanjigiriza n'Abaana b'amasomero.