Bya Gerald Mulindwa
Ssaabaddu Bbaale – Bugerere
Minisita w’Obuwangwa, Obulambuzi, Embiri, Amasiro n’Ebyokwerinda, Oweek. Dr. Anthony Wamala, alambudde ekifo ky’Obulambuzi ki KAYNELA Farm, ekisangibwa e Bwamulamira, Ssaabaddu Bbaale, Bugerere, n’ekigendererwa eky’okuzuula engeri ey’okutumbula ebyobulambuzi ebiri mu Ssaza Bugerere.
Minisita ayaniriziddwa, omutandisi w’ekifo kino, Omw. Faisal Sserunjogi, era n’amulambuza ebikolebwawo byonna.Ekifo kino kikolebwako obulimi, obulunzi, obubazzi, obubumbi, nga byonna bitegekeddwa mu ngeri ey’ebyobulambuzi ebinyuvu, era kiggyayo bulungi ekifaananyi ekituufu eky’enkola eya ‘Situla Omutindo’ Obwakabaka gye bwatongoza ng’omwaka gutandika.
Minisita era akyaddeko ku Legacy Resort Hotel, e Kamuli, Kangulumira, Bugerere n’ayanirizibwa Mw. Fred Lutaaya nnyanyinyi kifo ekyo.Minisita awerekeddwako Mugerere- Oweek. Samuel Ssemogooma, Ssenkulu wa BHTB Omuk. Najib Nsubuga, n’abaweereza b’Obwakabaka ab’enjawulo.
